Ođas Gollegiela lágádusas

Gollegiella lea almmuhan Divrespealu

inn

 

Gollegiella lágádusa ođđa Divrespeallu boahta veahkehit sámegielat mánáid oahppat buot dábáleamos davviguovlluid divrriid namaid ja hámiid. Spealu njuolggadusat leat maiddái davvisámegiela lassin dáro- ja suomagillii.

 

"Mu mánáidmánát leat juo geasi rájes stoahkain Divrespealu iskkadanspealuin. Vaikke sii eai máhte sámegiela de liikká hálidit speallat ja ná dego vahágis ohppet sámegielsániid, ja dat gal ligge áhku váimmu!"

Čállán: Anna Anita Guttorm, diehtojuohkin mielbargi

 

Ná dadjá govvadáiddár, Aino Hivand gii lea akvareallateknihkain dahkan spealu ealasis divregovaid. Oassi daid govain gávdno maiddái su dahkan Čoarvevieksá lieđđeriemut mánáidgirjjis, mii lea mielde Divrespealu koaffaris. Aino lea bajásšaddan boazodoalus nuorttabealde Sámis Reaisavuonas. Otne son ássa Gironis ja bargá earet eará teahteris.

 

- Divrespealu oanehis teavsttat divrriid birra laskadit mánáid sátneriggodaga ja speallu vuogáiduhttá mánáid ovttastallat. Speallu heive buot áhkosaš mánáide ja maiddái ollesolbmuide geat eai leat beassan oahppat divrenamahusaid sámegillii, dadjá lágádushoavda Rauni Magga Lukkari.

Oppa Divrespealu ahtanuššama lea čuvvon ja bagadan pedagogihka magister Maija Lukkari olles golbma jagi..


Grafalaš dáiddár Minna Saastamoinen lea addán divrespellui earenomaš fiinna hámi. Minna lea hápmen buot Gollegiella lágádusa girjjiid ja ná leage son lágádusa lágámus ovttasbargoguoibmi. Minna ássá Ohcejogas ja su grafalaš fitnodaga namma lea Studio Borga.

 

  sp1 sp2

 

Váldde oktavuođa:
Rauni Magga Lukkari
GOLLEGIELLA
Doktordalveien 2,
9010 Tromsø
Tlf: +47-99796430
Dahje +47-77686598
Gollegiella@bluezone.no